בעזרת ה' יתברך - יום ה' פרשת לך לך, ו' מר-חשון, שנת תשפ"ה לפרט קטן
מיין טייערער ... נרו יאיר, קרית ברסלב
איך וויל דיר מחזק זיין זאלסט ווייטער ארויסגעבן סידיס פון ניגוני אמונה, עס איז אזוי וויכטיג פאר די דור, די סידיס וואס דו האסט ארויסגעגעבן די אלע יארן שפילן אין הונדערטער און טויזנטער שטיבער, טאג נאך טאג, מענטשן זענען זיך אזוי מחי' מיט דעם, עס בלאזט קילע לופט, עס בארואיגט, עס העלפט, עס איז נישט ווי אנדערע סידיס וואס דער זינגער ווייסט ניטאמאל די טייטש פון די ווערטער וואס ער זאגט, עס איז ניגונים פון משיח, פון ממלא כל עלמין וסובב כל עלמין, די ניגונים זענען מעורר לתשובה און מחזק.
איך בעט דיר זייער זאלסט זיך צו יאגן אין די הייליגע ארבעט, שוין א לאנגע צייט וואס עס איז נישט ארויסגעקומען פרישע סידיס, מען ווארט אויף דעם, עס איז מקרב אזויפיל מענטשן צום אייבערשטן.
דער אייבערשטער זאל העלפן זאלסט האבן הצלחה אין אלע ענינים.