בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
... נרו יאיר
זיי מחזק זיין דיין ווייב זי זאל ווייטער מאכן צאמקומען פאר פרויען, זיך מחזק זיין מיט'ן רבינ'ס חיזוק און עצות, און אז עס קומען נאר אפאר פרויען, און אפילו נאר איין פרוי וועט קומען זאל זי דאס ווייטער אנהאלטן, ווייל עס גייט אריבער אסאך שווערע טעג אויף פרויען, מיט אויפציען קינדער, מיט ברענגען קינדער וכו' וכו', און נאר מיט די עצות פון רבי'ן האט מען כח צו טון ווייטער די ארבעט.
זאג פאר דיין ווייב זי זאל נישט מיד ווערן פון איינלאדענען פרויען פון אנשי שלומינו, און אפילו זי זעט אז נאכן רופן קומען זיי נישט – זאל זי ווייטער רופן, זי זאל מיט חכמה נאכאמאל פרובירן אויף אנדערע אופנים, נישט אויפגעבן אויף קיינעם.
אויך דו זאלסט מחזק זיין אנשי שלומינו און גיין הפצה ביי ענק אין שטאט, זיי נישט קיין בייזער למדן, ענדערש זאלסטו עוסק זיין אין מקרב זיין מענטשן צום אייבערשטן ווי צו זיצן איינגעשפארט און טראכטן נאר פון זיך.
איך בין אויפן וועג קיין ארץ ישראל, איך פאר מחזק זיין אנשי שלומינו און מתפלל זיין פאר אונז אלע.