בעזרת ה' יתברך
יום ב' פרשת וישב, י"ח כסליו, שנת תשע"ט לפרט קטן
לכבוד מיין טייערער ... נרו יאיר.
יישר כח פארן ארויסהעלפן די ישיבה מיטן געבן פאר די רענט פון דעם חודש ... דאללער; דער אייבערשטער זאל דיר העלפן אז אין דעם זכות זאלסטו האבן הצלחה אין אלע ענינים.
איך דאנק דיר פארן צוזאמנעמען די קינדער ביי שלש סעודות און ביי אבות ובנים; די מערסטע דארפן מיר אינוועסטירן אין אונזערע קינדער.
ביי די וועלט קוקט מען אויף קינדער ווי א איבעריגע זאך, אבער ביי אונז איז באוויסט דעם דיבור פונעם הייליגן רבי נתן זכרונו לברכה, מען האט אים אמאל געפרעגט פארוואס ער רעדט אזוי לאנג מיט א קינד, האט ער זיך אנגערופן מיט א ניגון: "אט איז מען א קינד, אט איז מען א בחור, אט איז מען א אינגערמאן און אט פירט מען שוין צום אייביגן ארט"; דו געבסט דיר טאקע אפ מיט אינגלעך אבער מען געבט זיך איין דריי און מען איז שוין א אינגערמאן.
דעריבער דאנק איך דיר אז דו נעמסט צוזאמען די קינדער ביי שלש סעודות זיי זאלן זינגען זמירות און דו ברענגסט זיי מתנות וכו' פאר "אבות ובנים".
אין דעם זכות זאלסטו זוכה זיין צו זען נחת ביי דיינע קינדער געזונטערהייט צוזאמען מיט דיין טייערע ווייב תחי'.
ווייז דעם בריוו פאר דיין ווייב, וועט זיך הנאה האבן אז דו העלפסט אונזערע קינדער וואקסן בתורה ויראה.
א ליכטיגן חנוכה.
...