בעזרת ה' יתברך - יום ב' פרשת וזאת הברכה א', ה' תשרי, שנת תשפ"ה לפרט קטן
לכבוד מיין טייערער ... נרו יאיר, קרית ברסלב
איך וויל זייער זאלסט כאטשיג איין מאל א וואך ארויפקומען אויף קול ברסלב געבן א קורצע באריכט מהנעשה והנשמע ביי די הנהלה, וואס ענק טון אלץ אין שטעטל; ווייל דער סמ"ך מ"ם שלאפט נישט, ער זוכט ווי צו מאכן רייבערייען, ער מאכט מען זאל האבן קנאה, און איך בין זיכער אז אויב די איינוואוינער פון שטעטל וואלטן געוואוסט וויפיל די חברי הנהלה טוען פאר די שטעטל בכלל, און פאר יעדן מענטש בפרט - וואלט מען נישט געהאט קיין טענות, מען וואלט זיך מער ליב געהאט.
דערצייל וויפיל מענטשן דו האסט פריוואט געראטעוועט פון אנקומען אין תפיסה און פון ווערן פארפלאנטערט מיט רעגירונג זאכן, וויפיל נעכט דו און די אנדערע חברים האבן אוועק געגעבן פאר די טובה פון פריוואטע מענטשן, און וויפיל טובות ענק טוען פאר די קהילה און פאר אנדערע קהילות.
בזכות וואס דו טוסט פאר אידישע קינדער - וועסטו האבן א זיסע יאר; דו, דיין ווייב, מיט די גאנצע משפחה.
א גמר חתימה טובה, א גוט געבענטשט יאר.