בעזרת ה' יתברך - יום ד' פרשת ראה, כ"ד מנחם-אב, שנת תשפ"ד לפרט קטן
לכבוד ... נרו יאיר, ירושלים
איך דאנק דיר פארן העלפן די מוסדות אין ירושלים מיטן ברענגען עסן פאר די קינדערלעך; יעדע זאך וואס מען העלפט, אפילו עס זעט אויס ווי א קלייניקייט - אויבן איז דאס א גרויסע זאך.
ווען אנשי שלומינו העלפן די מוסדות; מען טוט, מען באקט, מען קאכט, מען פאררעכט - איז דאס מיר זייער חשוב, עס מאכט גרינגער די ארבעט זעענדיג אז עס איז דא געפיל און הארץ.
איך האף צום אייבערשטן די יאר וועסטו קענען צעברעכן די אייזערנע מניעות פון די גרויסע מענטשן מיט די גרויסע ביימער מיט די טויזנטער בלעטלעך און קומען צום גאלדענעם בארג מיטן זילבערנעם שלאס, צום רבי'ן קיין אומאן אויף ראש השנה.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה, א גוט געבענטשט יאר.