בעזרת ה' יתברך - יום א' לסדר כי תבוא לאומאן, י' אלול, שנת תשפ"ו לפרט קטן
... נרו יאיר
איך האב ערהאלטן דיין בריוו.
איך בין זייער צופרידן צו האבן אזעלכע טייערע תלמידים ווי דיר אין אונזער ישיבה אין ירושלים, און איך פריי זיך זייער יעדע מאל דו שרייבסט מיר דיינע שיעורים וואס דו לערנסט, און אז דו האסט מסיים געווען זעכציג מאל מסכת תענית.
אויך הער איך אז דו העלפסט אין שול אין בית שמש מיט ריין מאכן און מיט העלפן מיט אלעס וואס פעלט זיך אויס.
איך בין זיכער אז דו וועסט זיך ווייטער פירן אזוי ווי דו פירסט זיך, דו וועסט לערנען פלייסיג און דו וועסט העלפן משמש זיין דעם רבי'ן, וועסטו שנעל טרעפן א גוטע שידוך און אויפשטעלן אן ערליכע שטוב.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה.