בעזרת ה' יתברך
יום ה' פרשת תולדות, ג' כסליו, שנת תשפ"א לפרט קטן
... תחי', תלמידה בית פיגא ברסלב.
איך האב ערהאלטן דיין בריוו.
עס ווערט געברענגט (ספר קיצור של"ה; אליה רבה סוף סימן קכב) א סגולה צו געדענקען די נאמען נאכ'ן פטירה, מען זאל זאגן ביים סוף פון שמונה עשרה א פסוק וואס הייבט זיך אן מיט'ן אות פונעם נאמען און ענדיגט זיך מיט די לעצטע אות פונעם נאמען.
עס זענען דא אין געוויסע פלעצער וואס די תלמידים זאגן אויך דעם פסוק אויפ'ן רבינ'ס נאמען, אזוי שטארק זענען זיי מקושר צו זייער רבי.
דיין נאמען איז פיגא, זאלסטו זאגן די פסוק (ויקרא ב, ו): "פָּתוֹת אֹתָהּ פִּתִּים וְיָצַקְתָּ עָלֶיהָ שָׁמֶן מִנְחָה הִוא".
דער אייבערשטער זאל העלפן זאלסט האבן הצלחה אין אלע ענינים.