בעזרת ה' יתברך
יום ג' פרשת וירא, י"ד חשון, שנת תש"פ לפרט קטן
לכבוד מיין טייערער ... נרו יאיר.
איך האב ערהאלטן דיין בריוו.
דו דארפסט גארנישט טון וכו'; דאנק און לויב דעם אייבערשטן אויף דיינע ליכטיגע קינדער, מער פון דעם דארפט איר גארנישט טון.
מאך פרייליך דיין ווייב און געב צדקה, וועסטו זוכה זיין צו נאך קינדער; אזוי ווי דער הייליגער רבי זאגט (ספר המידות, אות בנים, סימן כב): "מַה יַּעֲשֶׂה אָדָם וְיִהְיֶה לוֹ בָּנִים?" וואס זאל מען טון צו האבן קינדער, "יְפַזֵּר מְעוֹתָיו לַעֲנִיִּים", מען זאל געבן צדקה, "וִישַׂמַּח אֶת אִשְׁתּוֹ", און פרייליך מאכן די ווייב.
דער אייבערשטער זאל העלפן זאלסט מצליח זיין אין אלע דיינע וועגן.