בעזרת ה' יתברך - יום ד' פרשת נח, ג' מר-חשון, שנת תשפ"ד לפרט קטן
מרת ... תחי'
איך האב ערהאלטן אייער בריוו.
געבן צו זייגן פאר די קינדער - איז זייער געזונט און זייער וויכטיג, פארשטייט זיך נאר אויב מען האט די כוחות פאר דעם, מען איז געזונט און שטארק, פיזיש און גייסטיש.
פינקטליך וויפיל, בייטאג, ביינאכט וכו' - דאס האט שוין מיט די כוחות וואס מען פארמאגט; פון איין זייט דארף מען וויסן, א אידישע מאמע איז נישט קיין מאשין, מען דארף האבן כח און מען דארף שלאפן וכו', פון די אנדערע זייט איז זייגן זייער וויכטיג פארן קינד, זייער געזונט פארן קינד אין אלע בחינות, אויך פאר די יראת שמים. אזוי ווי דער רבי זאגט (ספר המדות אות בנים חלק ב', סימן יב): "הֶחָלָב שֶׁל צַדֶּקֶת הוּא טוֹב לַתִּינוֹק לְיִרְאַת שָׁמַיִם", די מילך וואס דאס קינד זייגט פון א פרוי א צדיקת - העלפט דאס קינד האבן יראת שמים, "וְגַם נוֹתְנוֹת לוֹ מֶמְשָׁלָה בָּעוֹלָם הַזֶּה", און עס מאכט אים זיין חשוב אויף די וועלט.
דער אייבערשטער זאל העלפן איר זאלט האבן הצלחה אין אלע ענינים.