בעזרת ה' יתברך - יום ג' פרשת וישב, ט"ז כסליו, שנת תשפ"ה לפרט קטן
מרת ... תחי'
איך האב ערהאלטן אייער בריוו.
אז אייערע געשוויסטער פירן זיך נישט אויף מיט דרך ארץ צו אייער מאמע, ווען אייער מאמע גייט צו אייער שוועסטער אויף שבת און אירע קינדער פירן זיך נישט אויף מיט דרך ארץ און זי זאגט זיי ווי אזוי זיך צו פירן - קומט אייער שוועסטער צו לויפן און זאגט פאר ענקער מאמע: "מיש זיך נישט אריין, זאג נישט, טו נישט, טייל נישט איין"; איר פרעגט וואס איז ריכטיג צו טון.
ריכטיג איז איר זאלט מכבד זיין, איר זאלט רעדן שיין, ווייל אז איר וועט רעדן וועט מען אייך דאך נישט אויסהערן, איר האט זוכה געווען צו זיין ביים רבי'ן און באקומען פון רבי'ן א מאמע, איר האט באקומען פון רבי'ן א באגריף פון די טייערקייט פון א מאמע, אייערע געשוויסטער זענען נעבעך נאכנישט מקורב, זיי לעבן מיט די טעראפיסטן וואס העצן אן די יוגענט קעגן עלטערן, אויף דעם זאגן די הייליגע חכמים (יבמות סה:): "כשם שמצוה על אדם לומר דבר הנשמע", אזוי ווי עס איז א מצוה צו פאררעכטן און זאגן וואס איז ריכטיג ווען מען הערט אויס, "כך מצוה על אדם שלא לומר דבר שאינו נשמע", אזוי איז א מצוה נישט צו זאגן ווען מען ווייסט אז מען וועט נישט אננעמען.
איר זאלט שיין רעדן צו אייער מאמע, איר זאלט איר מכבד זיין, איר זאלט איר אויסהערן און אויסרעדן, דאס וועט אייך זיין א זכות פאר אייערע דורות, ווייל עס איז נישטא קיין גרעסערע מצוה פון די מצוה פון כיבוד אב ואם.
דער אייבערשטער זאל העלפן איר זאלט האבן הצלחה אין אלע ענינים.