בעזרת ה' יתברך - יום ג' פרשת אחרי קדושים, ח' אייר, כ"ג לעומר, שנת תשפ"ה לפרט קטן
מיין טייערער, החתן ... נרו יאיר
דיין טאטע וויל זייער שטארק מיט האלטן דיין חתונה; ער שרייבט מיר, ער בעט מיר - איך זאל רעדן צו דיר וכו'.
איך וויל דיר בעטן זאלסט טון וואס דו האסט געלערנט און לאדענען דיין טאטע צו דיין חתונה, דו קענסט נישט און טארסט נישט נעמען קיין שום שטעלונג אין די מחלוקת צווישן טאטע מאמע, דו דארפסט לאדענען סיי דיין טאטע און סיי דיין מאמע, ביידע זאלן קומען צו די חתונה, און דו זאלסט זאגן פאר דיין מאמע זי דארף פארשטיין אז זי קען נישט טון זאכן אפצושטעלן דיין טאטע זאל זיין ביי דיין שמחה.
איך בעט דיר זייער, דיין טאטע האט נישט גארנישט אין לעבן, נאר דו רעדסט מיט אים, און אלעס בזכות דיין התקרבות צום רבי'ן וואס לערנט אונז ווי זיך צו פירן, טון וואס די הייליגע תורה זאגט. זאלסטו לאדענען דיין טאטע און ער זאל דיך אונטערפירן אונטער די חופה.
דער אייבערשטער זאל העלפן זאלסט האבן הצלחה אין אלע ענינים.