בעזרת ה' יתברך
ערב שבת קודש פרשת אחרי-קדושים, י"א אייר, שנת תשפ"א לפרט קטן
לכבוד האברך היקר ... נרו יאיר, מאנסי
איך האב זייער הנאה געהאט צו זיין ביי דיר אין שטוב זען די חבורה היכל הקודש, זיך טרעפן מיט תלמידי הישיבה און מיט די פרישע מקורבים. איך האף צו קומען צו דיר מער אפט, איך וויל זיך מחזק זיין מיט אנשי שלומינו; בעיקר וויל איך מחזק זיין די שיעור גמרא.
איך האב זיך נאכנישט באדאנקט פאר דיין ווייב תחי', פאר'ן צוגרייטן די שיינע סיום; געב איר איבער א גרויסן דאנק. אין זכות פון ארייננעמען אנשי שלומינו ביי אייך אין שטוב וועט איר זוכה זיין צו גרויס שפע.
איך ווארט צו באקומען רשות צו קענען פארן קיין ארץ ישראל; איך וועל דיר לאזן וויסן אויב איך האב רשות, וועסטו מיר ערלעדיגן די טיקעטס וכו'.