בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
מרת ... תחי'
אייער איידעם ר' ... נרו יאיר האט מיר איבערגעגעבן די שיינע גרויסע נדבה פון אייך פאר אונזער ישיבה, איך וויל אייך באדאנקען פאר דעם און אויך פאר די נדבה וואס איר האט געגעבן דעם פארגאנגענעם זומער; דער אייבערשטער זאל אייך בענטשן מיט אלע ברכות, מיט געזונט און מיט נחת פון אלע קינדער און אייניקלעך.
שטארקט אייך, און וואס איר דארפט נאר זאלט איר בעטן פונעם אייבערשטן. שמועסט מיטן באשעפער אין אייער שפראך, אין אידיש. בעטס פון אים פאר די קינדער און אייניקלעך, מיט תפילה פועל'ט מען אלעס, תפילה איז די שטערקסטע זאך אויף די וועלט.