בעזרת ה' יתברך - יום ב' פרשת מקץ, כ"ב כסליו, שנת תשפ"ה לפרט קטן
מרת ... תחי'
איך האב ערהאלטן אייער מעסעדזש.
וואויל איז אייך אז איר זענט משמש דעם רבי'ן, איר פארשפרייט די זיסע עצות פון רבי'ן פאר נשות אנשי שלומינו, איר נעמט זיי צאם איין מאל א וואך, איר רעדט מיט זיי און איר געבט זיי צו הערן די שיעורים פאר פרויען, דאס איז די גרעסטע זאך ביים אייברשטן, מחזק זיין אידישע קינדער.
האט נישט חלישות הדעת וכו', זייט יעדן דן לכף זכות, קיינער וויל נישט זיין שלעכט און קיינער איז נישט שלעכט, מען דארף יעדן איינעם מחזק זיין און קוקן גוט אויף יעדן איינעם, אזוי קען מען יעדן איינעם ברענגען צו די העכסטע מדריגה.
רבי נתן האט געזאגט: "ווען איך זע א חסרון ביי א צווייטן, איז דאס אדער ווייל האב איך נישט געהאט יענעם טאג התבודדות, און אז איך האב יא געמאכט התבודדות - איז דאס געווען ווינציג".
דער אייבערשטער זאל העלפן איר זאלט האבן הצלחה אין אלע ענינים.