בעזרת ה' יתברך
יום א' פרשת שופטים, ב' דראש חודש אלול, שנת תשפ"ב לפרט קטן
לכבוד מיין טייערער ... נרו יאיר ברסלב, ליבערטי
א גרויסן יישר כח פאר'ן ארבעטן צאמצונעמען צדקה פאר'ן בית הדפוס, מען זאל קענען דרוקן אן אויפהער די הייליגע ספרים, קונטרסים און גליונות, מחזק זיין אידישע קינדער.
ביי מוהרא"ש איז געווען הדפסה והפצה דאס שווארץ אפל פון זיין אויג. מוהרא"ש האט זיך מוסר נפש געווען זיין גאנץ לעבן צו דרוקן און פארשפרייטן דעם רבינ'ס ספרים פאר די גאנצע וועלט.
מוהרא"ש האט נחת אויבן אין הימל צו זען ווי מיר האלטן אן די הייליגע ארבעט, זיין הייליגע הנהגה; מיר דרוקן און פארשפרייטן די ספרים אן אפשטעל.
שטארק זיך ביתר שאת וביתר עוז, לאז נישט אפ די הייליגע ארבעט פון צאמנעמען צדקה פאר'ן בית הדפוס דיין גאנץ לעבן.
א גרויסן יישר כח פאר'ן אנטייל נעמען אינעם קויפן דעם נייעם בנין.
א כתיבה וחתימה טובה.