בעזרת ה' יתברך - יום ד' פרשת אחרי-ב', כ"ג ניסן, אסרו חג, ח' לעומר, שנת תשפ"ד לפרט קטן
לכבוד מיין טייערער ליבער ... נרו יאיר
איך בענק זיך צו דיר, שוין אזוי א לאנגע צייט וואס איך זע דיר נישט און איך הער נישט פון דיר.
איך האב זיך נאכגעפרעגט ביי דיינע חברים וואס דו מאכסט און וואס עס הערט זיך, האבן זיי מיר געזאגט אז דו ביסט זייער פארווייטאגט אויף מיר, היתכן איך האב נישט געמאכט קיין צייט פאר דיר וכו' און דו ווילסט מער נישט האבן קיין שייכות מיט מיר.
וויל איך דיך איבערבעטן, און איך וויל דו זאלסט מיר דן זיין לכף זכות; ווי נישט ווי האב איך דיר אויך אסאך טובות געטון, איך האב דיך אריינגענומען אין ישיבה ווען קיינער האט נישט געוואלט קוקן אויף דיר, איך האב דיר געעפנט א טיר ווען אלע האבן פארהאקט די טירן אויף דיר, איך האב דיך אויפגעהאדעוועט כאשר ישא האומן את היונק, איך האב דיך אסאך יארן מקרב געווען און דיך געלערנט חכמת החיים, אויסגעלערנט שיינע זאכן פארן לעבן.
זיי נישט בייז אויף מיר און לאמיר שלום מאכן און זיך פארגעבן איינער דעם צווייטן, וועט דער אייבערשטער אונז פארגעבן.
דער אייבערשטער זאל העלפן זאלסט האבן הצלחה אין אלע ענינים.