בעזרת ה' יתברך - יום ה' פרשת כי תבא לאומאן, י"ד אלול, שנת תשפ"ג לפרט קטן
טייערער ... נרו יאיר
העלף דיין ווייב, העלף אין שטוב; גלייב מיר, דאס איז עבודת השם, דאס איז די זעלבע חסד ווי העלפן אנדערע און אפילו א גרעסערע חסד.
האב רחמנות אויף דיין ווייב, זי איז אויסגעמוטשעט פון די קינדער, זי דארף דיין הילף. שלמה המלך זאגט (משלי יב, י): "יוֹדֵעַ צַדִּיק נֶפֶשׁ בְּהֶמְתּוֹ", דער ערליכער איד ווייס וואס זיין משפחה דארף, ער העלפט זיי אלע, אפילו אויף די בהמות האט ער רחמנות, "וְרַחֲמֵי רְשָׁעִים אַכְזָרִי", און די רחמנות פון רשעים איז אכזריות'דיג, ווייל זיי האבן רחמנות דארט ווי מען דארף נישט רחמנות האבן און אין שטוב אויף די ווייב און קינדער – איז מען אן אכזר, השם ישמרינו.
ליבער ברודער, לאז אלעס אפ, מאך גארנישט אויפן חשבון פון די ווייב און אויף די חשבון פון חינוך הילדים, איך האב דיר נאך אסאך צו שרייבן, אבער איך דארף גיין צו די בחורים.
זאג דעם יום תהילים יעדן טאג.