בעזרת ה' יתברך
יום א' פרשת שופטים, ב' דראש חודש אלול, שנת תשפ"ב לפרט קטן
לכבוד מיין ליבער ... נרו יאיר ברסלב, ליבערטי
די קליינע מתנה וואס איך שענק דיר איז פאר'ן זיין קלוג און נעמען א חלק אין אוועק שטעלן א בנין לדורות וואו מיר דרוקן די ספרים, קונטרסים און גליונות צו מחזק זיין אידישע קינדער.
דו מאכסט א נחת רוח פאר'ן רבי'ן, פאר רבי נתן און פאר מוהרא"ש. איך געדענק ווען מוהרא"ש איז געקומען אינעם קליינעם בית הדפוס אין ישיבה אין וויליאמסבורג; די שמייכל, די הנאה, די נחת רוח וואס מוהרא"ש האט געהאט פון דעם - ליגט מיר נאכאלץ אין די ביינער.
יעצט ווען די הדפסה האט זיך אזוי פארברייטערט - האט מוהרא"ש זיכער אזא נחת רוח, און ער וועט זיך זיכער מיען פאר אלע וואס העלפן און האבן א חלק אין דעם, וואס דאס איז מקרב די גאולה שלימה, במהרה בימינו, אמן.
א כתיבה וחתימה טובה.