בריוון פונעם ראש ישיבה שליט"א

#1 - מזל טוב צו די 30'סטע סיום ששה סדרי משנה
שידוכים, סיום, משניות

בעזרת ה' יתברך


יום ה' פרשת פקודי, א' דראש חודש אדר ב', שנת תשע"ט לפרט קטן


 


לכבוד מיין טייערער זון החתן ... נרו יאיר.


איך פריי זיך זייער צו הערן פון דיר אז דו האסט מסיים געווען דעם ערב ראש חודש אדר ב' די דרייסיגסטע מאל 'ששה סדרי משנה'; זה חלקי מכל עמלי, מיין גאנצע חיות איז צו זען ווי דו לערנסט און ווי דו פירסט זיך מיט יראת שמים. יעדעס מאל איך דערצייל פאר מאמי תחי' ווי פלייסיג דו לערנסט, זאגט זי מיר אויך דאס זעלבע, אז דאס איז איר גאנצע לעבן.


געב א קוק די גרויסע נס וואס דער אייבערשטער האט געטון מיט דיר, דו האסט זוכה געווען צו טרעפן א כלה פון א חשוב'ע שטוב, א איידעלע צניעות'דיגע כלה מיט גוטע מידות; זאלסטו נישט אויפהערן דאנקען דעם אייבערשטן אויף די גרויסע ניסים וואס ער טוט מיט אונז.


דער אייבערשטער זאל העלפן דו זאלסט ווייטער ממשיך זיין מיט דיין תורה תפילה און עבודת השם.