בעזרת ה' יתברך - יום א' פרשת ואתחנן, ה' מנחם-אב, שנת תשפ"ג לפרט קטן
מרת ... תחי'
זייט מחזק אייער מאן ער זאל קומען אין שול אנגעטון, זאגט אים ער זאל נישט נאכמאכן אייער משפחה; א שאד ער זאל ווערן נאכגעשלעפט נאך אייערע ברידער. ער פלעגט זיין אן איידעלער, ער פלעגט גיין אנגעטון קלאסיש; יעצט זעט ער אויס אזוי נאכגעלאזט, ביליג, זייער נישט שיין.
ביים ארבעטן איז איין זאך, אבער ווען מען קומט אין שול, אינעם אייבערשטנ'ס הויז – דארף מען קומען מיט רעספעקט; א שול איז נישט קיין קרעטשמע.
איך בין זיכער אז איר קענט אים אויפבויען, איר קענט אים מחזק זיין אויף דעם; ווייל ביז די חתונה איז דאס נישט געווען, ער איז אלץ געווען א בן מלך; דארף מען אים מחזק זיין ער זאל זיך נישט אנטון ווי א בן השפחה.
טוט עס פאר ענקערע קינדער, נאך אביסל קומען די קינדער אין שול; דארף מען זיי ווייזן ווי אזוי מען דארף קומען אין שול.