בעזרת ה' יתברך
יום ג' פרשת ויצא, ה' כסליו, שנת תשפ"ב לפרט קטן
לכבוד ... נרו יאיר
איך האב ערהאלטן דיין בריוו.
יעצט ווען דו האסט נישט קיין קאר - גיי צופיס יעדן אינדערפרי צום מקוה און שול, אויפ'ן וועג זאלסטו זיך מתבודד זיין; עס איז א מחי' דער גאנצער טאג ווען מען גייט אביסל שפאצירן אינדערפרי זיך מתבודד זיין. רעד זיך אויס צום אייבערשטן, בעט אים ער זאל רחמנות האבן אויף דיר, זאג אים ווי שטארק דו ווילסט זיין אן ערליכער איד.
אז דו וועסט זיך אזוי פירן - וועסטו שוין נישט וועלן אפלאזן די וועג, אפילו דו וועסט שוין האבן א קאר - וועסטו בלייבן מיט די שפאציר, דו וועסט נישט וועלן אפלאזן די שפאציר.
דער אייבערשטער זאל העלפן זאלסט האבן הצלחה אין אלע ענינים.