בעזרת ה' יתברך
ערב שבת קודש פרשת שלח, מברכים החודש, כ"ה סיון, שנת תשפ"ב לפרט קטן
מרת ... תחי'
איך האב ערהאלטן אייער בריוו.
זייט אפן מיט אייער מאמע; זאגט איר אז פאר אייער מאן איז מער באקוועם איינצושטיין אין א פריוואטע דירה, אזוי וועט זי נישט זיין ברוגז אויף אייך; עס איז א פארשטענדליכע זאך אז אן איידעם איז נישט אזוי באקוועם וכו', ער וויל זיין פריוואט.
בנוגע די עסן; עס פאסט נישט מיט צו ברענגען אייגענע עסן, זיי וועלן זיך באליידיגן. איר קענט האבן עסן ביי אייך אין די דירה, אזוי וועט איר האבן כשר'ע פלייש, און ביי די סעודות זאלט איר זייער אכטונג געבן נישט וויי צו טון אייערע עלטערן, אזוי וועט זיין שלום על ישראל.
געבט אכטונג, מעסט די ווערטער וואס איר זאגט, עס זאל זיין מיט די גרעסטע מאס דרך ארץ און מיט שכל. זאגט נישט: "מיין מאן וויל נישט קומען דא"; דאס וועט מאכן מחלוקות, זאגט די ווערטער וואס איז פריער געשריבן: "פאר מיין מאן איז באקוועמער איינצושטיין אין א פריוואטע דירה"; נישט מער און נישט ווייניגער.
דער אייבערשטער זאל העלפן איר זאלט האבן הצלחה אין אלע ענינים.