בעזרת ה' יתברך - יום ב' פרשת במדבר, כ"ח אייר, מ"ג לעומר, שנת תשפ"ה לפרט קטן
מיין טייערער ליבער, החתן ... נרו יאיר
איך האב ערהאלטן דיין בריוו.
עס איז זיכער כדאי ענק זאלן האבן ביי די חתונה מצוה טאנץ, און אפילו אז דיין כלה קומט פון א שטוב וואס מען מאכט נישט קיין מצוה טאנץ - זאל מען נאכאלץ מאכן מצוה טאנץ, ווייל אין דעם ליגט זייער גרויסע סודות, עס ברענגט ערליכע דורות און נאך אסאך הייליגקייטן.
מצוה טאנץ איז נישט קיין שפיל, מוהרא"ש האט מקפיד געווען מען זאל נישט אויסרופן טאנצן אבי וועם, דאס איז נאר פאר די עלטערן, זיידעס און אז עס איז דא א צדיק, אבער פעטערס און חברים, ברידער וכו' - נישט.
בנוגע סידור קידושין; זאלסט בעטן דיינע עלטערן זיי זאלן ברענגען זייער רב וועם זיי פרעגן זייערע שאלות.
דער אייבערשטער זאל העלפן זאלסט האבן הצלחה אין אלע ענינים.