בעזרת ה' יתברך - יום ד' פרשת פנחס, י"ח תמוז, שנת תשפ"ד לפרט קטן
לכבוד מיין טייערער... נרו יאיר, וויליאמסבורג
איך בענק זיך צו דיר, איך האף צום אייבערשטן אז אלעס איז גוט ביי דיר, און אז דו שטארקסט זיך אין עבודת השם.
מיר גרייטן זיך שוין צום רבינ'ס ראש השנה, פון דעם אליין – אז מיר פארן קיין אומאן אויף ראש השנה – דארפן מיר זיך זייער פרייען, אזוי האט דער רבי געזאגט (חיי מוהר"ן, סימן תג): "מי שהיה אצלי על ראש השנה, ראוי לו לשמוח מאוד", ווער עס איז געווען ביי מיר אויף ראש השנה – דארף זיך זייער פרייען.
איך וויל דיר פרעגן, היות אונזער חבורה ווערט גרעסער און גרעסער, דארפן מיר נאך מענטשן וואס וועלן העלפן בהתנדבות לבם צוצוגרייטן דעם פלאץ פארן עולם, איך זוך נאך אפאר געטרייע אינגעלייט וואס ווילן אראפנעמען פון מיר א שטיקל עול אין אומאן, אזוי ווי די דריי אינגעלייט וואס טוען שוין די לעצטע פאר יאר.
ביטע לאז מיר וויסן אויב דו ווילסט מיר העלפן.
.