בעזרת ה' יתברך
יום א' פרשת מטות-מסעי, כ"ד תמוז, שנת תשפ"א לפרט קטן
לכבוד ... נרו יאיר, קרית ברסלב
וואס איז בכלל דיין שאלה? נאך חצות טאר מען נישט דאווענען קיין שחרית - ווילסטו מאכן א מנין אין בית המדרש קעגן די הלכה?! בשום אין פנים ואופן, איך בין נישט מסכים אז ביי אונז אין די קהילה זאל מען מאכן א מנין נאך חצות, גיין קעגן די הלכה.
א חרפה און בושה, מען דריידט זיך און מען פריידט זיך, מען האט צייט צו דאווענען פאר חצות, מיט דעם אלעם דריידט מען זיך ארום, מען רייכערט צוגרעטלעך, מען איז מבטל די מצוה פון דאווענען.
ביי אונז אין שול קען מען נישט דאווענען נאך חצות.