בעזרת ה' יתברך
יום ה' פרשת וירא, י"ח מר-חשון, שנת תשפ"א לפרט קטן
מרת ... תחי'.
געב אכטונג עס זאל נישט זיין קיין נארישע גרופ"ס אויף אונזער נאמען, אויף די קהילה'ס נאמען; אז די פרויען ווילן א טעקס"ט גרו"פ פאר חסד איז גוט, אבער אז מען נוצט עס פאר פוסטע נארישע נישט וויכטיגע זאכן - זאלסטו עס פארמאכן.
איך בעט אייך זייער, געבט אכטונג אויפ'ן רבינ'ס נאמען, עס איז א שאנדע פאר אונזער קהילה אז עס זאל זיין א טעקס"ט גרו"פ פון סתם זאכן, עס נעמט אוועק טייערע צייט פון די מאמע'ס צו די קינדער, פון די ווייבער צו די מענער און פון די פרויען צום אייבערשטן. יעדע רגע הערט מען א ביפ... לויפט מען צום טעלעפאן, עס מאכט קראנק די גאנצע משפחה.
אז איינער האט געהאט א קינד למזל טוב לייגט איינער ארויף א הודעה און יעדער איינער קען ענטפערן יענעם פריוואט, נישט פופציג פרויען הייבן אן שרייבן "מזל טוב", "מזל טוב", "מזל טוב", "מזל טוב"; יעצט האלט די שטעטל ביי פופציג משפחות, קומענדיגע יאר וועלן מיר האבן הונדערט פופציג משפחות קיין עין הרע, דאס קען נישט אזוי ארבעטן. אז איינער פרעגט ווער עס האט עפעס צו בארגן, ענטפערט מען יענעם פריוואט, ווען איינער פרעגט ענטפערט מען יענעם, מען קען נישט משוגע מאכן א גאנצע שטאט מיט טעקס"ט.
איך ווייס פון משפחות וואס האבן פארמאכט זייער טעקס"ט און די גאנצע משפחה האט אויפגעלעבט, די מאמע איז אויפגעשטאנען תחיית המתים.