בעזרת ה' יתברך - יום א' פרשת דברים, ב' מנחם-אב, שנת תשפ"ה לפרט קטן
מיין טייערער ... נרו יאיר, תלמיד ישיבת היכל הקודש ירושלים
איך הער גוטע גריסן אויף דיר, אז דו ביסט ערליך און מיט גוטע מידות, דו לערנסט און דאווענסט, דער מגיד שיעור מיט דער מנהל; ביידע רעדן זייער שיין פון דיר.
איך הער זאגן אז בחורים אין ישיבה גייען נאך געלט און נעמען די געלט צו קויפן עסן און נאך אנדערע זאכן. וויסן זאלן ענק, עס איז זייער הארב צו נעמען צדקה געלט. חכמינו זכרונם לברכה זאגן (פאה ח, ט) זייער הארב, אויב מען נעמט פון צדקה, וועט מען ביים סוף ווערן א רחמנות, מען וועט דארפן צו קומען צו צדקה.
זאג פאר אלע בחורים, נישטא אזא זאך גיין נאך געלט פאר זיך, איך וויל אלע זאלן גיין נאך געלט פאר די ישיבה, עס איז א תקנת הישיבה אז אלע תלמידים דארפן עוסק זיין אין גיין נאך געלט פאר די די ישיבה, און נאר אזוי קען מען לערנען אין ישיבה.
זאג אלע בחורים אז איך בענק זיך זייער, איך צייל שוין די טעג ווען מיר וועלן זיך טרעפן אין אומאן ביים הייליגן רבי'ן ראש השנה.
הענג אויף א קאפי פונעם בריוו אין ישיבה.
דער אייבערשטער זאל העלפן זאלסט האבן הצלחה אין אלע ענינים.