בעזרת ה' יתברך - יום ב' פרשת אחרי קדושים, ז' אייר, כ"ב לעומר, שנת תשפ"ה לפרט קטן
מיין טייערער ... נרו יאיר
האסט אנגעהויבן ארבעטן פאר די חדר אלס סגן מנהל, וויל איך דיר בעטן דו זאלסט נישט ווערן קיין ליימענער גולם ביים קאמפיוטער; דער קאמפיוטער געבט ארויס גוטס, מען קען מאכן שיינע צעטלעך, שיינע קונטרסים, און אויך קען מען ווערן א קלאץ; מען קען זיצן און קוקן און נישט וויסן ווי דער טאג איז אריבער.
מאך זיך א סדר, נישט מער ווי אפאר שעה א טאג וואס דו דארפסט האבן פאר די צעטלעך (אויב מען דארף עס), און אין די איבריגע צייט זאלסטו נישט זיצן ביים קאמפיוטער. זאלסט רעדן צו די קינדער, געבן גוטע ווערטער פאר די קינדער, און העלפן מיט וואס מען דארף העלפן.
לערן יעדן טאג מקרא, משנה, גמרא, מדרש; וועסטו ממשיך זיין צו דיר די שכינה הקדושה.
דער אייבערשטער זאל העלפן זאלסט האבן הצלחה אין אלע ענינים.