בעזרת ה' יתברך
ב' פרשת בהעלותך, ט"ו סיון, שנת תשפ"ב לפרט קטן
לכבוד מיין טייערער ... נרו יאיר, מלמד תלמוד תורה היכל הקודש וויליאמסבורג
איך וויל דיר מחזק זיין דו זאלסט זיך זייער שטארקן מיט דיין הייליגע ארבעט פון זיין א מלמד פאר תינוקות של בית רבן. נישטא קיין גרעסערע זאך ביים אייבערשטן ווי לערנען מיט אידישע קינדער, דער אייבערשטער כביכול טראגט דעם נאמען "מלמד"; מיר זאגן יעדן טאג ביי ברכת התורה, ברוך אתה ה' המלמד תורה לעמו ישראל.
איך פריי זיך צו הערן אז דו טוסט נישט קיין שום זייטיגע זאכן אין די צייט פון זיין א מלמד. א חשוב'ע משפחה ביי אונז, משפחת ... שיחיו זענען געווען ביי מיר נעכטן און געזאגט, זייט דער מלמד פון אונזער זון, הילד ... - האט באקומען דעם בריוו פונעם ראש ישיבה ער זאל נישט טון קיין שום זאך בשעת'ן זיין מלמד (זיי ליינען די וועכנטליכע בריוון, זיי האבן אליינס אויפגעכאפט וכו'), זעען זיי א גרויסע ענדערונג אין זייער קינד, דער קינד קומט אהיים אנגעפילט מיט חיות, מיט אמונה, תפילה וכו'.
אשריך ואשרי חלקיך.