בעזרת ה' יתברך - יום ה' פרשת עקב, כ' מנחם-אב, שנת תשפ"ה לפרט קטן
טייערער ליבער ... נרו יאיר, קרית ברסלב
איך בין נישט מסכים אויף דיין סדר היום, פון אויפשטיין טויזנט א זייגער, אז דו ווילסט ממשיך זיין אין כולל – דארפסטו קומען צייטליך. איך מוטשע זיך אזוי שטארק צו קענען צאלן צייטליך פאר די כולל אינגעלייט, עס קומט מיר אן אזוי שווער, איך זאג קלאר, איך צאל נאר פאר די כולל אינגעלייט וואס קומען אין צייט.
איך וויל דיר נישט וויי טון, איך וויל דיך מחזק זיין דו זאלסט אנהויבן קומען צייטליך. בעט דיין ווייב זאל דיך וועקן, זי שטייט דאך אויף צו די קינדער, זי לייגט זיי אויפן באס, בעט איר זי זאל דיך וועקן, זי זאל דיר העלפן מצליח זיין אין לערנען, ווייל עס איז א שאד דיינע יונגע יארן, דיינע שענסטע יארן – זאלן דיר אריבערגיין מיט שלאף.
איך זאג נאכאמאל, צו זיין אין כולל מוז מען היטן די זמנים, נאר ווער עס קומט אין צייט באקומט כולל געלט און די בענעפיטן וואס די כולל אינגלייט באקומען.