בעזרת ה' יתברך
יום ב' פרשת ויקהל-פקודי, כ' אדר, שנת תשפ"ג לפרט קטן
לכבוד ... נרו יאיר, מאנסי
איך האב ערהאלטן דיין בריוו.
דער אייבערשטער זאל העלפן זאלסט מצליח זיין מיט דיין נייע געשעפט, זאלסט האבן גרויס שפע.
נעם אריין דעם אייבערשטן אינעם געשעפט - וועסטו האבן גרויס הצלחה. אלע דיבורים זאלן זיין פון אייבערשטן; אז מען פרעגט דיר: "האסט העמעדער?" זאלסטו זאגן: "געלויבט דעם אייבערשטן, מיר האבן העמעדער. און אז עס דארף אנקומען פרישע, זאלסטו זאגן: "מיט'ן אייבערשטנ'ס הילף וועט זיין מארגן"; אזוי זאלסטו אלץ מזכיר זיין דעם אייבערשטן אינעם געשעפט - וועסטו האבן שטארקע הצלחה.
דער אייבערשטער זאל העלפן זאלסט האבן הצלחה אין אלע ענינים.