בעזרת ה' יתברך - יום א' פרשת תזריע מצורע, כ"ט ניסן, י"ד לעומר, שנת תשפ"ה לפרט קטן
לכבוד מיין טייערער ליבער ... נרו יאיר
נעם זיך א חברותא צו לערנען הלכה, דער הייליגער רבי האט געוואלט מען זאל לערנען הלכה מיט אלע פירושים.
א שאד דיינע יונגע יארן, דיינע שענסטע יארן – זאל אריבערגיין מיט גארנישט טון, ווייל צו לערנען דרך הלימוד – דאס קען מען אין א צוויי דריי שעה גאר אסאך אנקומען, איז וואס איז מיט די איבריגע טאג? אדער נעמען אן ארבעט, אדער גיין אין כולל, אדער נעמען א חברותא, אבער נישט סתם גארנישט טון.
נעם זיך א חברותא און לערן הלכה. דער רבי זאגט (שיחות הר"ן, סימן כט), אז לערנען הלכה איז זייער א גרויסע תיקון, דורך לערנען הלכה "נתברר ונפרש מן הרע", מען ווערט אן ערליכער איד.
איך זאלסטו אנהויבן דיין טאג מיט התבודדות, גיי א שפאציר צווישן די גראזעלעך און ביימער, און רעד צום אייבערשטן, בעט אים דו זאלסט זוכה זיין צו לעבן מיט אים, נישט מסיח דעת זיין פון די אמונה.