בעזרת ה' יתברך
יום א' פרשת בהר-בחוקותי, כ' אייר, פה אתרא קדישא מירון, שנת תשפ"א לפרט קטן
לכבוד מיין טייערער זון הרב ... נרו יאיר
איך בין מתפלל פאר דיר און דיין משפחה ביי אלע מקומות הקדושים, איך בעט דעם אייבערשטן דו זאלסט מצליח זיין אין דיין עבודת השם, אין לערנען און דאווענען. איך און מאמע תחי' האב זייער הנאה פון דיין לערנען און פון דיין דאווענען, און בכלל פון דיין ווארעמקייט צו מצוות.
שבת בין איך געווען אין מירון, איך האף נאך היינט צו זיין אין יבנאל ביי מוהרא"ש, אויך וועל איך זיין אין ירושלים מחזק זיין אנשי שלומינו זאלן עוסק זיין ווייטער אין הפצה. עס טוט זיך דא אין ארץ ישראל א גרויסע התעוררות; אן א שיעור בחורים און אינגעלייט ווערן מקורב צום רבי'ן, וואו איך גיי און וואו איך שטיי קומט מען דערציילן סיומים און משניות און אין מסכתות הש"ס.
איך בענק זיך נאך דיר, איך קום שוין צוריק; איך האף מיט'ן אייבערשטנ'ס הילף שוין צו זיין אין ישיבה מיטוואך צופרי ביים גמרא שיעור.