בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
... נרו יאיר
איך בין זייער איבערגענומען פון דעם וואס דו האסט אפגעלאזט אלע עפפס, אלע פאדקעסטס; ווייל די סכנה פון די אינטערנעט איז דאס וואס אינגעלייט הערן זיך צו וואס מינים ואפיקורסים רעדן דרשות, אזויפיל טרייף פסול קומט ארויס יעדע רגע, מענטשן וואס זעען אויס אז זיי קענען און ווייסן וואס זיי רעדן, זיי זעען אויס ווי תלמידי חכמים, אבער עס איז מינות וכפירה, און נעבעך טייערע אומשולדיגע אינגעלייט ווערן אנגעפילט מיט די סם המות; גאנץ ספר משלי איז געשריבן אויף די סכנה, ווי מען קען אלעס פארלירן.
איך האב געוואוסט אז דו האסט די זאכן, און דו קוקסט וכו' וכו', דאס האב איך געזען אויף דיין פנים, און דאס זע איך אויף אלע אינגעלייט נעבעך, די וואס קוקן דרשות של דופי, (פאדקעסטס פון מינות וכפירה, דרשות פון חקירות) – זעט מען אויף זייער פנים...
דאס איז נישט עפעס העכערס, דאס איז נישט רוח הקודש, דאס זאגט דער רבי (חיי מוהר"ן, סימן תט): "יְּכוֹלִין לְהַכִּיר בְּהַפָּנִים..." מען קען זען אויפן פנים פון דער וואס קוקט נעבעך אין ספרי מינות, און לעצטנס איז דיר דיין פנים צוריק מסודר, האסט צוריק דיין צלם אלקים.
זיי מתקן דאס אלעס מיט זאגן ח"י פרקים משניות, משניות איז מזכך ומטהר את הנפש; "המאור שבה", די ליכטיגע תורה וועט דיר צוריק ליכטיג מאכן און דיך מתקן זיין.