בעזרת ה' יתברך - יום א' פרשת כי תבא לאומאן, י' אלול, שנת תשפ"ג לפרט קטן
מרת ... תחי'
איך האב ערהאלטן אייער בריוו.
מען טאר זיך נישט ארומשפילן מיט די זאכן; אז דער דאקטער זאגט עס פעלט אייך אייזן און מען פארשרייבט אייך צו נעמען טאבלעטן פון אייזן - דארף מען דאס טון, דאס איז עבודות השם. "וְנִשְׁמַרְתֶּם מְאֹד לְנַפְשֹׁתֵיכֶם" (דברים ד, טו), היטן אויף די געזונט - איז זייער א גרויסע מצוה, בפרט א אידישע מאמע פאר קליינע קינדער דארף האבן אסאך כח, און קען זיין, דערפאר אז עס פעלט אייך אייזן - זענט איר א גאנצן טאג מיד און איר קענט גארנישט טון.
היטס אויף אייער געזונט און אויף אייערע כוחות, דאס איז וויכטיגער ווי גיין הפצה; יעצט האט איר איין מצוה: זיין א געזונטע מאמע פאר די קינדער.
דער אייבערשטער זאל העלפן איר זאלט האבן הצלחה אין אלע ענינים.
א כתיבה וחתימה טובה, א גוט געבענטשט יאר.