בעזרת ה' יתברך - יום א' פרשת וארא, י"ט טבת, שנת תשפ"ה לפרט קטן
לכבוד מיין טייערער ... נרו יאיר, בני ברק
וואס מאכסטו? וואס הערט זיך ביי דיר? איך האף אז דו שטארקסט זיך בעבודת השם; עס איז נישט שייך צו זאגן 'איך בין שוין מקורב צום רבי'ן' און שוין. חכמינו זכרונם לברכה זאגן (סוכה נב.): "יצרו של אדם מתגבר עליו בכל יום ומבקש להמיתו", יעדן טאג קומט דער יצר הרע פון פריש אראפקלאפן דעם מענטש.
איך וויל דיר מחזק זיין זאלסט זען דיין זון זאל קומען צייטליך אין חדר. ער לערנט יעצט עברי, און אז מען פארפעלט אפילו א שעה פון כתה - קען דאס זיין א בכיה לדורות. ווייל אז מען פאלט ארויס פון די עברי כיתה - קען מען נישט מיט האלטן אלע כיתות, און אז מען דארף גיין מיטן קינד ערלעדיגן זאכן וכו' - דארף מען דאס טון נאך חדר, אדער אין די צייט פון הפסקה, און זיכער נישט אנהויב טאג, וואס דעמאלט לערנען די מלמדים די עברי, ווייל דעמאלט זענען די מוחות מסוגל צו לערנען.
זיי שטארק מיט לערנען יעדן טאג מקרא, משנה, גמרא, הלכה ואגדה; דאס און נאר דאס - וועט פון אונז בלייבן.
דער אייבערשטער זאל העלפן זאלסט האבן הצלחה אין אלע ענינים.