בעזרת ה' יתברך - יום ב' פרשת שמיני, אסרו חג פסח, כ"ג ניסן, שנת תשפ"ה לפרט קטן
מיין טייערער ... נרו יאיר
יעצט זומער זמן ווען די קינדער זענען מער פארשפילט - דארף מען זיי פארשפילן מיט עבודת השם. ווען דו גייסט מיט די קינדער א שפאציר - זאלסטו מיט זיי שמועסן פון יראת שמים און פון סיפורי צדיקים, דאס וועט זיי בלייבן זייער גאנץ לעבן, די מעשיות וואס קינדער הערן פון צדיקים - איז אזוי שטארק, עס פלאקערט אויף זייער הארץ פאר עבודת השם יתברך.
זיי מודיע פאר אנשי שלומינו זאלן ארויסנעמען א בעט ביי אונזער בנין פאר ראש השנה הבא עלינו לטובה, ווייל די יאר זענען דא נייע מקורבים וואס ווילן קומען ביי אונזער בנין, און די אלע וואס זענען שוין געווען האבן א זכות צו באקומען זייער בעט פון פאריאר, אבער דער זכות קען מען נאר האבן ביז יעצט, אזוי קען מען ארויסגעבן בעטן פאר די פרישע מקורבים.
דער אייבערשטער זאל העלפן זאלסט האבן הצלחה אין אלע ענינים.