בעזרת ה' יתברך - יום א' פרשת וארא, כ"ב טבת, שנת תשפ"ו לפרט קטן
... נרו יאיר, וויליאמסבורג
עס איז א גרויסע תיקון צו געבן צדקה בפרט פארן רבינ'ס זאך, דער רבי זאגט (לקוטי מוהר"ן חלק א, סימן רסד), צדקה איז א תיקון הברית, מען לייגן צוריק די שפע צו די קדושה, דאס פאררעכט דאס וואס מען האט משפיע געווען למקום אחר חס ושלום; בפרט יעצט אין די שובבי"ם טעג, ווער עס העלפט געבן צדקה פאר די מוסד און פאר הדפסת ספרי רבינו – ווערט א זווג דקדושה, עס ווערט אלעס פארראכטן.
שטארק זיך צו זיין פרייליך, ווייל עס איז די גרעסטע און טייערסטע זאך; נישטא עפעס גרעסערס ווי זיין פרייליך, און מען זעט אז עס איז גרינגער פארן מענטש צו טון אלע שווערע עבודות, פאסטן וכדומה, ווי צו זיין פרייליך אז מען איז א איד, און מיט די מצוות וואס מען טוט, און אז מען קען רעדן צום אייבערשטן און מיטן רבי'ן.