בעזרת ה' יתברך - יום ד' פרשת חקת, ד' תמוז, שנת תשפ"ד לפרט קטן
מרת ... תחי'
איך האב ערהאלטן אייער בריוו.
רעדט נישט צו אייער מאן פון רבי'ן, ער וויל נאכנישט הערן די זאכן; רעדט צו אים נאר פון זאכן וואס ער וויל הערן, און שטילערהייט זאלט איר בעטן דעם אייבערשטן אז איר, אייער מאן און אייערע דורות זאלן אלע זיין מקורב און מקושר צום הייליגן רבי'ן בזה ובבא.
דאנקט און לויבט דעם אייבערשטן פאר די ניסים אז אלע זענען געזונט, אז איר האט א טייערער מאן און נאך אביסל זענט איר שוין א מאמע, און צווישן די דאנקען און לויבן - זאלט איר בעטן אייערע תפילות. זאגט ארויס אלע אייערע ווייטאג, זאגט ארויס אלע זאכן וואס דרוקט אייך, און ענדיגט אויך מיט דאנקען און לויבן, עס זאל אייך בלייבן א גוטע טעם אין מויל.
דער אייבערשטער זאל העלפן איר זאלט האבן הצלחה אין אלע ענינים.