בעזרת ה' יתברך - יום ב' פרשת ויצא, ד' כסליו, שנת תשפ"ו לפרט קטן
... נרו יאיר
איך ווייס אז עס גייט איבער אויף דיר; וויסן זאלסטו, עס גייט איבער אויף יעדן באזונדער, נישטא קיינער וואס עס זאל נישט אריבערגיין אויף אים, די קונץ איז – אויפזוכן דאס גוטס, אויפזוכן די חסדים וואס דער אייבערשטער מאכט.
דאנק דעם אייבערשטן אז דיין לעבן, דיינע טעג, דיינע יארן – גייען אריבער מיט גוטע זאכן, מיט פארשפרייטן די אמונה אויף די וועלט. עס וועט קומען א צייט וואס מען וועט זען דאס גרויסקייט פון רבי'ן און פון מזכה זיין נשמות ישראל מיט זיי ברענגען צום רבי'ן, דעמאלט וועט מען זען, דעמאלט וועט מען זיך כאפן וואס פאר אן אוצר מיר האבן געהאט.
יעדן טאג זאלסטו טאנצן אז דו האסט די זכי' צו טון פארן רבי'ן, צו זיין א שמש פארן רבי'ן.