בעזרת ה' יתברך - ב' פרשת בא, כ"ח טבת, שנת תשפ"ה לפרט קטן
... נרו יאיר
איך האב ערהאלטן דיין בריוו.
איך פריי זיך זייער צו הערן ווי דו ביסט זיך מחזק מיטן הייליגן רבינ'ס עצות.
איך פארשטיי נישט דיין פראגע, אזויפיל בריוו שרייבסטו מיר אז דיין ווייב וויל א קאמפיוטער און דו ווייסט נישט וואס צו טון, יעצט פלוצלונג ווילסטו שוין אליין קוקן נארישקייטן?
איך בעט דיך ברחמים ובתחנונים, ריר נישט אן דעם קאמפיוטער. אז דיין ווייב האט דאס, איז איין זאך, דער רבי זאגט אין די ערשטע מעשה (ספורי מעשיות, מעשה א): "וָוארִים מֶען בַּאדַארְף זִיךְ דָארְטְן פַארְזָאמֶען, וָוארִים מֶען מוּז זֶעהְן מִיט חָכְמָה אוּן שֵׂכֶל מֶען זָאל זִי אַרוֹיס נֶעמֶען", מען קען נישט ארויסנעמען די בת מלך פון די נישט גוטע אין א קורצע צייט, אבער דו זאלסט נישט אנרירן דעם כישוף מאכער.
קוקן קליפס זעטיגט נישט, עס איז נישט שייך צו זאגן 'מען וויל זיך אביסל אויסלופטערן', ווייל ווי מער מען קוקט די קליפס - אלץ מער דארף מען זיך אויסלופטערן, דאס מאכט מער אנגעצויגן, עס מאכט מער נערוועז, עס זעט אויס ווי מען לופטערט זיך אויס.
דער אייבערשטער זאל העלפן זאלסט האבן הצלחה אין אלע ענינים.