בעזרת ה' יתברך - יום ה' פרשת תצוה, שובבי"ם, י"ג אדר א', שנת תשפ"ד לפרט קטן
לכבוד מיין טייערער ... נרו יאיר
דער הייליגער רבי זאגט (שיחות הר"ן, סימן נא) "די וועלט נארט אייך, לאזט אייך נישט נארן", קיינער בלייבט נישט מיט די געלט, מען מיינט א גאנצן צייט 'יעצט פארדין איך, יעצט מאך איך געלט', "וּלְבַסּוֹף כְּשֶׁבָּאִין לְחֶשְׁבּוֹן", נאכדעם ווען מען רעכנט אויס, "אֵין נִשְׁאָר בְּיָדָם כְּלוּם", זעט מען זיך אן קיין געלט.
נאר דינען דעם אייבערשטן – דאס איז תכלית, גיין אין שול דאווענען דריי מאל א טאג מיט מנין, לערנען בכל יום מקרא, משנה, גמרא, הלכה, מדרש, וספרי רבינו, און זיך מתבודד זיין, דערציילן פארן אייבערשטן אלעס וואס גייט אריבער, אלעס וואס דער יצר הרע מאכט משוגע בדיבור, במעשה, במחשבה; נאר דאס איז תכלית.
טייערער ברודער, אשרינו שיש לנו רבי וואס איז אונז מחי' ומחזק, און וועקט אונז אויף פון שלאף.