בעזרת ה' יתברך
יום ה' פרשת קדושים, ד' אייר, שנת תשפ"ב לפרט קטן
לכבוד ... נרו יאיר ברסלב, ליבערטי
געלויבט דעם אייבערשטן די קרן הדפסה ציט זיך אריבער אינעם נייעם בנין דעם קומענדיגן וואך.
עס איז אזוי אינטערעסאנט צו זען, מען האט אנגעהויבן דרוקן אין ישיבה פאר אפאר יאר צוריק. מען האט אנגעהויבן מיט א קליינעם מאשין דרוקן די קונטרסים פון מוהרא"ש זכותו יגן עלינו, צוביסליך האט מען זיך פארברייטערט ביז מיר גייען זיך שוין אריינציען אינעם נייעם בנין וואס מען האט געקויפט ספעציעל פאר קרן הדפסה, צו דרוקן און פארשפרייטן די עצות פון הייליגן רבי'ן, די הייליגע ספרים און קונטרסים וואס מוהרא"ש האט געשריבן אלע יארן.
איך וויל דיר זייער בעטן, מיר דארפן האבן הילף, מיר קענען נוצן דיין הילף ביים זיך אריבערציען; בעט איך דיר זאלסט זיך מעלדן צו האברך היקר לי יצחק אייזיק ראטה, ער וועט דיר זאגן ווען צו קומען, און איינטיילן די ארבעט פאר ווער עס וויל העלפן.
פארשטיי גוט, קרן הדפסה איז דיינ'ס פינקט ווי מיינ'ס; אז דו ציסט זיך אריבער א דירה דארף איך דיר נישט שלעפן דיינע פעקלעך, אזוי איז יעצט, קרן הדפסה איז דיינס, עס איז נכסים פון היכל הקודש, יעדער איינער דארף צולייגן א האנט; מען קען נישט יוצא זיין מיט די פאר אינגעלייט וואס ארבעטן יומם ולילה מיט דאס גרעסטע מאס געטריישאפט.
דער אייבערשטער זאל העלפן זאלסט האבן הצלחה אין אלע ענינים.