בעזרת ה' יתברך - יום ב' פרשת שלח, כ"ג סיון, שנת תשפ"ג לפרט קטן
לכבוד מיין טייערער ... נרו יאיר, קרית ברסלב
טאנץ פאר שמחה אז דו ביסט זוכה צו משמש זיין דעם רבי'ן, דו העלפסט בויען מוסדות וואס ברענגט אריין די ליכטיגע עצות פון רבי'ן אין די וועלט. דער אייבערשטער זאל דיר געבן כח ווייטער צו העלפן מיט א פרישקייט.
הויב נישט אן דיין טאג איידער דו גייסט אביסל התבודדות. האסט דאך א גרויסער פעלד ארום דיין שטוב, גיי אין א ווינקל און שמועס מיטן אייבערשטן. בעט אים ער זאל רחמנות האבן אויף דיר, בעט:
"רבונו של עולם, עס איז מיר אזוי שווער, איך האב שווערע ביטערע נסיונות, העלף מיר, איך וויל זיין גוט, איך וויל זיין ערליך".
טייערער ברודער, מיט די זיסע וועג פון רבי'ן, די עצה פון התבודדות - איז די לעבן א "גן עדן".