בעזרת ה' יתברך
יום ד' פרשת שופטים, ג' אלול, שנת תשפ"א לפרט קטן
מרת ... תחי'
איך דאנק אייך פאר'ן זיך אזוי אנשטרענגען מיט אלע כוחות צו העלפן די סקול "בית פיגא", איר זענט געבליבן אין שטאט צו האלטן אפן די סקול פאר די זומער וואכן; די זכות וועט שטענדיג פארבלייבן מיט ענק, איר וועט באצאלט ווערן פון רבי'ן מיט נחת ביי אייערע קינדער.
יעצט הער איך אז איר גייט זיין א טיטשער די קומענדיגע יאר ביי אונז אין סקול; איך פריי זיך זייער צו האבן טיטשערס ווי אייך וואס רעדן שיין מיט הארץ צו די קינדער.
דער אייבערשטער זאל אייך געבן הצלחה וסייעתא דשמיא און א כתיבה וחתימה טובה.
...
זאגט יעדן טאג תהלים און ווען איר האט נישט קיין צייט זאגט כאטשיג איין קאפיטל.
אויך זאלט איר זאגן די דרייצן אני מאמין'ס; זאגט עס מיט טייטש, "אני מאמין", איך גלייב, "באמונה שלימה", מיט א גאנצע אמונה, וגומר; דאס געבט א שטארקע אמונה.