בעזרת ה' יתברך - יום א' פרשת ויצא, ג' כסליו, שנת תשפ"ו לפרט קטן
... נרו יאיר, קרית ברסלב ליבערטי
דארפסט זיך זייער מחי' זיין אז דו ארבעטסט אין "בית הדפוס", דיין ארבעט איז דרוקן הונדערטער און טויזנטער ספרים, גליונות, קונטרסים – טעגליך, פון אינדערפרי ביז אויפדערנאכט, ביסט עוסק אין תיקון העולם, די גאנצע וועלט איז זיך מחי' מיט די ספרים פון רבינ'ס עצות.
איך וויל דיר בעט דו זאלסט רעדן שיין צו די מפיצים, און זיך צושטעלן צו וואס זיי דארפן; די מפיצים גייען מיט מסירות נפש טאג און נאכט, עס איז דא פון די מפיצים וואס קומען נישט אן צו שלעפן און עסן, עס איז שווער צו פארשטיין, אבער דאס איז די מציאות, די מפיצים זענען זיך מוסר נפש פאר אידישע קינדער; מיר דארפן זיי אנגרייטן די ספרים, קונטרסים, גליונות, סידיס, עס-די קארטלעך, יו עס בי, און אזוי ווייטער.
ווען מיר האבן געהאט די בית הדפוס אין ישיבה אין וויליאמסבורג, יעדע מאל מוהרא"ש איז געקומען אין ישיבה געבן א שיעור, אדער צו א שמחה, איז מוהרא"ש געקומען באזוכן די בית הדפוס; די שמייכל וואס מוהרא"ש האט געהאט דארט קען איך נישט פארגעסן. אמאל האט מוהרא"ש געזאגט: "וואלט מוהרנ"ת געהאט אזא צימער מיט מאשינען, אוי וואלט ער זיך מחי' געווען..."
אויך זאלסטו גיין מזמן לזמן הפצה, ווייל ארבעטן אין בית הדפוס פטר'ט נאכנישט צו עוסק זיין אין הפצה.