בעזרת ה' יתברך - יום ה' פרשת עקב, כ' מנחם-אב, שנת תשפ"ה לפרט קטן
טייערער ... נרו יאיר
איך האף אז אלעס איז ביי ענק גוט, איך האב שוין לאנג נישט געהערט פון דיר, א שאד אז דו קומסט נישט צו די וועכנטליכע שיעורים. אמאל פאלט מען אריין אין א קטנות הדעת, מען טראכט 'וואס האב איך צו קומען? וואס וועט מען שוין רעדן? איך ווייס שוין סיי ווי אלעס וכו'', אבער עס איז נישט אזוי, ווייל יעדע מאל מען קומט צווישן אנשי שלומינו און מען הערט די תורות פון רבי'ן – ווערט מען ניי געבוירן, און מען איז מקבל קדושה וטהרה, מען איז זוכה צו מחילת עוונות. אזוי ווי חכמינו זכרונם לברכה זאגן (מדרש משלי י, יז), ווען מען זיצט ביי א שיעור וואו מען רעדט דעם צדיק'ס ווערטער איז מען מוחל אלע עבירות.
קום צוריק, גיי נישט אוועק פון הייליגן רבי'ן, קום זיך טובל'ען אינעם נ'חל נ'ובע מ'קור ח'כמה, "אני נהר", איך בין א טייך – זאגט דער רבי, "המטהר", וואס טוט רייניגן, "מכל הכתמים", פון אלע פלעקן.