בריוון פונעם ראש ישיבה שליט"א

#1 - שטארק זיך אויף דיינע איבערגייאכץ
התחזקות, סיום, נחת

בעזרת ה' יתברך


יום ב' פרשת וירא, ט"ו מר-חשון, שנת תשפ"א לפרט קטן


 


לכבוד מיין טייערער ... נרו יאיר.


א גוט ווארט האט מען אלץ ליב צו הערן; איך הער פון די טיטשערס, זיי רעדן פון דיין טאכטער ..., פון איר גוט הארץ - אויסנאם שיין. זיי דערציילן מיר ווי זי קען אפילו וויינען ווען זי זעט א צווייטע מיידל איז בצער, זי האט זייער א ווייכע הארץ, זי איז זייער געבעדיג.


שטארק זיך אויף דיינע איבערגייאכץ; יעדן איינעם פרואווט מען אויס, יעדער איינער גייט אריבער שווערע נסיונות אין לעבן, נאר ווייל מען וויל זען ווי אזוי דער מענטש וועט זיך דערהאלטן, ווי אזוי ער וועט זיך פירן, צו וועם ער וועט לויפן.


אמאל פלעגסטו מיר שרייבן פון צייט צו צייט דיינע סיומים; איך האב זיך זייער מחי' געווען. אז דו וועסט מיר ווייטער שרייבן דיינע סיומים וועסטו מיר פריש מחי' זיין.


איך בענק נאך דיר.