בעזרת ה' יתברך - יום ה' פרשת משפטים, כ"ה שבט, שנת תשפ"ו לפרט קטן
... נרו יאיר
איך וויל אזוי שטארק האבן מער שייכות מיט דיר, מיר מוזן באנייען אונזער קשר, דורך רעדן און דורך בריוו; אזוי וועט עס זיין א טובה פאר אונז ביידע.
העיקר שטארק זיך און זיי פרייליך, אפילו עס גייט איבער וואס גייט איבער וכו' – זאלסטו זיך מחי' זיין מיט די גוטע זאכן וואס דו טוסט, און מיט דעם אז מיר זענען אידישע קינדער און מיט דעם אז מיר האבן א רבי וואס גייט פאר אונז און איז אונז מתקן.
גיי יעדן אינדערפרי א שפאציר, שמועס זיך אויס דיין הארץ מיטן אייבערשטן, דערצייל אים אלעס, פארהויל גארנישט, זיי אפן מיט אלעס, דערצייל אים דיינע געשעפטן וכו', און בעט אים ער זאל דיך מקרב זיין צו אים וכו' וכו'.