בעזרת ה' יתברך - יום ה' פרשת שלח (קרח בא"י), כ"ו סיון, שנת תשפ"ו לפרט קטן
... נרו יאיר, קרית ברסלב
קומענדיגע וואך, פרשת חקת בלק – קומען מיר ארויס פאר די זומער, א גאנץ יאר קוק איך ארויס צו זיין די זומער וואכן אויף די בערג צווישן די ביימער און די גראז בקדושה ובטהרה.
אם ירצה ה', אזוי ווי פאריאר – וועט זיין אינדערפרי אכט אזייגער די גמרא שיעור, יעדן טאג א בלאט גמרא. איך האף דו וועסט מיט האלטן די שיעור, פאריאר האסטו יעדן טאג מיט געהאלטן די שיעור אין וואלד צווישן די ביימער; עס איז גאר אנדערש די טאג נאכן לערנען די הייליגע תורה.
די פארנאכטס שיעור איז אויסדריקליך נאר פאר די בחורים, איך בעט אלע אברכים זאלן לאזן די בחורים האבן זייער צייט מיט דער ראש ישיבה.
אם ירצה ה' וועט זיין די זומער שיעורים פאר אברכים, די שיעורים וועלן פארקומען נאך מעריב. איך האב געשטעלט א אינגערמאן זאל איינטיילן די אינגעלייט אין גרופעס פון א מנין, צען אינגעלייט פאר יעדע נאכט נאך מעריב, עס זאל זיין באקוועם, איך האף אז דו און אלע אברכים וועלן הנאה האבן.